හදවතින් උතුරන
නෙත් අගින් දිදුලන
කිසිවකුට නොදෙමී
ඒ ආදරේ
දැවි දැවී හිනැහෙන
නිවි නිවී මතුවන
සංසාර බන්ධනේ
ඒ ආදරේ
ලං ලං ම වී හිදිනා
ආයේ ආයේ බැදෙනා
සිරගත සුසුම් පොදකි
ඒ ආදරේ
- ශ්රීමාලී සෙනෙවිරත්න-
Friday, 27 August 2021
Tuesday, 9 February 2021
මේක වෙන්නැති ආදරේ
කඳුළු මත තනිවී
සිටින විට තනිකමෙනී
කොයිසිට ආදැයි නොදනිමී
පෙර බැඳීමක් වෙන්නැතී
අසා දෙනුවන නොපියාම
මාගේ සිත තුටු වුනා බෝම
සෙමින් මගෙ වෙන නිසාම
ලොවම ලැබුණා වගෙයි සාම
අඬ දබර නම් ඇති තරම්
ඇසිල්ලෙන් යයි නැතිවී නම්
ආත්මෙන් බැඳි ප්රේමයන්
දමා නොයාවී ආලයන්
නිමක් නොවෙනා සාගරේ
අවාරෙක පිපි මලක් සේ
සදා රැකෙනා මා කෙරේ
මේක වෙන්නැති ආදරේ
-ShrimaliS-
Friday, 1 January 2021
ප්රේමයේ දුනු හී අරන්
මලානික සඳ බුබුළුවාවිත්
ප්රේමයේ දුනු හී අරන්
දිනක හමුවේවී සිතා නුඹ
සිතින් පෙම් බස් දොඩයි නම්
සඳ එළිය මත දහස් ගණනක්
නුඹ නමින් පෙම් කරයි නම්
හදවතක සිරවුන සෙනේ ඉවසා
දරයි ඈ නුඹ නමින්
නුඹෙ ළයේ දැවටී ගිලී
ශෘංගාර රස උතුරා ගියත්
සසර සරණා තුරාවට නුඹ
ඇගේ දැයි නොදනි ඈ නම්
සඳට පෙම් බැන්දේ එදා
ඒ තරු මලම මිස ඈ නොවෙත්
මෙදා තරුමල නුබේ අභියස
ප්රේමයේ ඇලලී ගොසින්
-2014-
Subscribe to:
Comments (Atom)