සසල විල නිසල විය

මැරි මැරී සසර තුළ

ඉපදෙනා වාරයක

අතරමං වී සිටිය 

කාලයක් නොවේ මෙය

කළණ මිතුදම දහම

අරිඇටැඟි මඟ නොවෙද

යොමා සිත බුදු සසුන

කසාවත පින්බරය

ඇලි ඇලී සිත් ගන්න

රාගයට ඉඩදෙන්න 

නොවේ සිත නිවා ඇත

සසල විල නිසල විය

           

   ඔබ එනතුරා

                    ඔබ එනතුරා මා
                    පාර බලා සිටියා
                    සත් සියක් සියපත් මතින්
                    නුඹ පියමණිනා තුරා
                    මා පාර බලා සිටියා

හොරෙන් බලා
නොදැක දැක එන දිහා
ඔබේ සුවඳින්
මෙ ගෙ පිරෙන තුරා
මා පාර බලා සිටියා
                                 ගව් ගණන් දුරින් හිඳ
                                 සුව විඳිනට ආලේ
                                 සිය දහස් වරක්
                                 පාර බලා සිටිනා
                                 යාමයකි රිදෙනා

අප වෙනුවෙන් කැපවෙන සියළු දෙනා සදා රැකේවා

මා රිදෙන බව............

                                      මා රිදෙන බව............

මා රිදෙන බව ඔබ දනී නම්
කිමද මේ සරදම්
රිදවන්න නම් ඇයිද ඒ හැඟුමන්
ඇයිද ඒ සරදම්

දුරින් පෙනෙනා මලකි නුබ මට
නමුදු ළඟමයි හිනැහෙනා
නෙළාගන්නට වරම් නැති වුව
ඔබේ සිත මට හිනැහුනා

අහිමි මලකට බඳින්නට පෙම්
අහින්සක මම සැනසුනා
ලැබුණි නම් මට බලාගන්නෙමි
රැජිණ කර සියපත් දරා

නමුත් ඔහු හා හිනැහෙනා ඔබ
දැකීමෙන් මා සැනසිලා
ඔබව හමුවූ ජීවිතයටම
ආදරෙයි මම සෑමදා